Stevia-Die wohrscheindlich gsündeste Ort zu siaßn!

20170602_121929.jpgStevia, i behaupt es isch die gsündeste Ort eppes zu süßn!

„Isch hell net des zuckerähnliche weiße, bittere Zeug asn Gschäft? Und des soll gsund sein?“

NA! Wenn i fe Stevia red, moani die PFLANZE! In die „normaln“ Gschäfte kriagman zwor a eppes wo „Stevia“ drausteat! Hell allerdings isch koan reines Stevia, sondern wert oft mit Zucker, Zuckeralkohole oder in schlimmschtn Foll mit Süßstoffe wia z.B. Aspartam gemischt! Deswegn sein de a oft sehr günstig! In die Apotheken ober kriagman oft a reines Stevia! Wos donn ober a dementsprechend teuer isch! Meine günstige Lösung: Oanfoch a Steviapflanze kafn und selber Steviapulver oder Flüssigstevia mochn! Super günstig und total easy!

Ober worum isch Stevia iaz eigentlich so super im Gegensotz zu ondere Süßen?
-Stevia isch 300 Mol Siaßer als Zucker
-Keine Kcal,kein Fett,keine Auswirkung afn Bluatzuckerspiegel! Hallo Bikinifigur!
-100% natürlich ohne chemische Prozesse dorhinter!
-Koan Nochgschmock be richtiger Dosierung!
-Gesundheitsschäden sein koane bekannt! Z.B. Karies!
-Daher a super ideal für Kinder!

WOW Tiptop, ober wia mochi mir des iaz selber fir dorhoam?

Totaaaal oanfoch! Wenman gerne Stevia in flüssiger Form zum Siaßn ot konman sich oanfoch 250ml Wossor aukochn, ca. 1 Hond voll frische, groaße Steviablattln grob aufschneiden und dorzuatian! Be mittlerer Hitze ca. 10 Min. weiterköcheln lossn! Gonz askialn lossn und oseihen! Des in a Flaschl fülln, guat verschliaßn und in Kialschronk aufbewahren! Ist sehr lange haltbar!

Steviapulver isch genauso oanfoch zu mochn!

Die Steviablattlen guat trocknen, z.B. a poor Stunden in Ofen be niedrigster Hitze,im Dörrapparat oder men konns a aufhängen zum trocknen!

Iaz leimehr mixen, in a Glasl tian uns guat verschliaßn! Des wors schun!

Wichtig isch es Stevia ollm gonz sparsam zu dosieren! Sunscht werts bitter!

I hoff i on a poor für Stevia begeisten gekennt und magari probierns a poor aus! Es isch net viel Orbeit dorhinter und men ot in Körper so viel guates getun dormit! Vergesst Zucker und Co., wiso in Körper schodn oder sogor kronk mochn mit de Sochn, wenns so oanfoch zu ersetzen isch?! 😊❤