Warum Vollkorn

salt_20170424_135658_669Vollkorn

I verwend dorhoam seit Johren leimehr Vollkorn-Produkte! Es isch genauso lecker und zugleich um einiges gsünder als Weißmehl-produkte! I sog enk natürlich a worum:

A Korn besteat aus 3 Toalen!

-mehrere äußere Schalen
-Mehlkörper
-Keimling

Wenman die Schalen und in Keimling entfernt otman leimehr in Mehlkörper,asn hemm wert es Weißmehl hergstellt! In die ondern 2 Schichten sein ober die gonzn gsunden Sochn drinnen!

-Vitamine (E+B- de sein für Stoffwechselprozesse wichtig)
-Mineralien (Eisen, Zink,Calium…)
-Ballaststoffe
-Eiweiß
-pflanzliche Fette

Also konman sogn, dass Weißmehl nix gsundes beinholtet und krass gsog lei dick mocht!

Vollkorn losst durchn niederen Glykemischen Index und die niedere Glykemische Last in Bluatzuckerspiegel longsom steigen und widder follen! Des hoast, dass mir dadurch viel a längeres Sättigungsgefühl obm!

Zudem hilft Vollkorn super gegen Herz-Kreislauferkronkungen und isch guat fir die Darmflora!

So, iaz wissmer Vollkorn isch oanfoch SUPER! 🤗Men muas iaz ober ben Kafn a aupassn! Ben Vollkornmehl wosmen in die Gschäfte zi kafn kriag isch dor Keimling entfernt worden, oanfoch weil des sischt schnell ranzig wert durch die wertvollen Fettsäuren wos drinnen sein! In beschtn Foll kaftman sich es gonze Korn und mohlt sich des selber zu Mehl (ollmlei soviel men brauch und dornoch in Kialschronk logorn folls wos ibrig bleib)! Wenman koane Mühle oder z.B. Bimby ot konman sich des in viele Biolädn a vor Ort mohln lossn!

Bevor es Vollkornprodukte kaft lest enk a bitte ollm die Inhaltsstoffe durch, oft seins gor koane Vollkornprodukte sondern werden lei dünkler gförb!

Iaz wisstes a bissl wos iber Vollkorn, in beschtn Foll tauscht es a es Weißmehl durch Vollkorn au dorhoam! Fir olle Familienmitglieder natürlich🤗