Low carb-lei a Trend?

Gonz viele sprechn mie oft un und sogn „wow ha, do osch eppes ausgelöst iaz, des isch jo a mega BOOM momentan des Low Carb“!
…und i sog nor ollm des:
Jo genau, momentan isch des a wahnsinns Hype! Ober hell willi net! Des soll koan „Boom“ sein und a holbs Johr drau isch widder olls nix! Meine Gruppe gibs seit 1,5 Johr iaz, und es sein einige fen Unfong un dorbei! I verdian nix fir meine Tipps und Ratschläge, netamol fir meine Rezepte! I moch des gratis weils schian isch zi segn, dass so viele Erfolge obm und gonz a neue Lebensfreide!! Zudem isch as mein Hobby iaz a wahnsinnig schianer „Beruf“ geworden durch die Kochkurse um de i gebettelt worden bin letschtes Johr!DANKE fir hell!

I bin iberzeig, dass jeder mit LC onemmen konn (insofern die Gsundheit in Ordnung isch), ben oan geaz schneller, ben oan längsomer! OBER es geat! Es sein so unterschiedliche Typm do unter ins! Mir wissn olle dassman unfong ozinemmen sobold man mehr Kcal verbrennt als zu ins zu nemmen! LC funktioniert deswegen, weilman essn konn bisman genua ot ober decht net so viele Kcal zu sich nimmp! Trotz Fette! A simples Beispiel: stott Spaghetti Carbonara konman Zucchininudl Carbonara essn! tiptop, Kcal gsport und decht mega lecker gessn! Iaz heri ober au fe die Kcal zi schreibm, weili koan fan fe de bin, i holtmi mehr an Kohlenhydrate zum orientieren!
Es coole isch, do sein so unterschiedliche Mitglieder, ober jeder konn a bissl wos mitnemmen fe die Tipps und Rezepte!
-Mitglieder de kon Gluten essn terfen
-Mitglieder de onemmen mechtn
-Mitglieder de neue Rezepte ausprobiern mechtn
-Mitglieder de sporteln und ab und an a wos LC nochkochn um eventuell Kcal zi sporen und Eiweißreicher zi essen!
-Mitglieder de noch a Kur LC weiteressen um es Gewicht zi holten!
-Mitglieder de a gsünder essn mechtn (zb. Mehr Gemüse)
-Mitglieder de nochn essn ollm miad und aufgebläht sein und de des durch LC Mahlzeiten in Griff gekriag obm
– und Mitglieder de endlich besser schlofn kennen durch a LC Mahlzeit abends!

Fe olle Mitgliedertypen onni Rückmeldungen gekriag dasse as den Grund LC essn unds ihmene super geat dormit!
Es geat also net ollm lei ums Onemmen in meiner Gruppe!
Natürlich gibs a dejenigen fir de Low Carb iberhaup nix isch! Viele brauchn oanfoch mehr KH weilses sischt net dorpockn (zb. Wegn a körperlich strenger Orbeit)! Und net olle fühlen sich wohl dormit! Ober es zohlt sich af jedn Foll aus es amol zi probieren und net fe Vorhinein zi sogn „na des konni net, uhne meine Nudl geaz net“, olles geat wenman mecht!
Fazit, LC funktioniert ano in a poor Johr-net lei iaz! Egal wos „neuste Studien“ sogn! Iaz onni endlich amol Zeit kot des niederzischreiben!